Make your own free website on Tripod.com
S o m a l i T a l k . c o m
Online Community
SIIRADA RASUULKA KUDAYO»
Tusmo | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30
SAXAABADII RASUULKA BARO»
Casharka toddobaadkan | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18
RAMADAAN SOON»
Macluumaadka Soomidda bisha ramadaan iyo axkaamta Soonka GUJI
SAKADA MAALKA BIXI»
Tusmo | 1 | 2 | 3 | 4 | 5 | 6 | 7
XIGMAD/WISDOM BIXI»
XAYAYSIIS BOOQO» 
KUTUB/BOOKS AKHRI» 
Soobooqo bogga xayasiiska Buugaagta / kutubta GUJI
NEWS 1 | 2 | 3 | 4 | 5
MAQAALLO AKHRI» 
DOOD FURAN AKHRI» 
QORAALO XIISA LEH AKHRI» 
MUSHARAXA SL 2002» 
Barnaamijka C/Risaq Maxamud Saleiman ee doorashada Somaliland Guji»
PUNTLAND, SOMALIA
Summary of Progress Report on the Puntland Peace Mission
PAGE.1 | PAGE.2 | PAGE.3 | PAGE.4 | PAGE.5 | PHOTO
KHARTOUM, SUDAN
Shirkii IGAD oo laqabtay Jan 10 - Jan 11, 2002 Khartuum GUJI..
LETTER FROM OGADEENYA
Letter from Abdullahi M. Sadi, Former First President of Somali Region (Ogadenia) Read here

G O L E
Golaha Beesha Kablalax GUJI...
WISDOM OF THE WEEK
For every human problem there is a solution that is simple, neat, and wrong. Click Here
IDAACADA IQRA
iqra Warbixin Ku Saabsan Idaacada IQRA FM - Nairobi Kenya GUJI...
BOOSAASO, SOOMAALIYA
bosaso Eeg Sawirkan oo Weyn
Sawirkan wuxuu muujinayaa Boosaaso oo kamid meelaha ay maraan buuraha silsilada Golis Guji...


.Home | FreeWebsite | FreeEmail | TellFriends | Search | Feedback | Allah Is Great
w w w . s o m a l i t a l k . c o m

WARARKA OGAADEENYA
DHEGEYSI: Dhegeyso Warka Radio Xoriyo

Wararka Ogaadeenya

Warkii Radio Xoriyo
14 May,2002

Warka Madaxdiisii

∑ Ciidanka Wadaniga Xoreynta Ogaadeenya oo jug culus la helay Ciidanka Gumeysiga Itoobibya

∑ Dad Shacbi ah oon waxba galabsanin oo lagu xidh xidhay Magaalada Dh/buur

∑ Jaaliyadda Ogaadeenya ee Germany oo Shir Sanadeedkeedii Caadiga ahaa isugu timid

∑ Sargaalkii dilay Taliyihii Nabad Sugida Itoobiya ee hore oo Maxkamad la soo taagay

∑ Gudoomiyaha Baarlamaanka Soomaaliyeed oo tilmaamay dhibaatooyinka ay Itoobiya ka wado Soomaaliya.

Warkii oo faah faahsan:

Wariyaha Raadiyo Xoriyo uga soo warama Ciidanka Wadaniga Xoreynta Ogaadeenya ayaa soo sheegay Degaalo Dooxatays ah oo jugo culus loogu geystay Ciidanka Cabudhiska Gumeysiga Itoobiya kuwaas ooy u danbeeyeen

02 May 2002 Weerar kadis ah ooy CWXO goor habeenimo ah ku qaadeen Ciidanka Cadowga Itoobiya ee fadhiya Qoriile oo ka tirsan gobolka Doollo waxaa laga dilay askar badan kuwo kalena waa laga dhaawacaay.Iyadoo ayna noo suuro galin in aan helo Askarta lagu dilay degaalkaas dib baan ka sheegi doonaa.

07 May 2002 Wuxuu CWXO u dhabo galay Kaambay Ciidanka Itoobiya ah oo marayey Sandixiile oo ka tirsan Gobolka Dh/Buur. Waxaana Ciidanka Cabudhiska Gumeysiga Itoobiya laga dilay 6 askari iyadoo goobtaas lagu gubay 1 Baabuur oo ah kuwa Xamuulka Qaada. Waxaana Hawl galkaas iyana laga dhaawacay askar badan.

Isla 07 May 2002 Cutub kale oo ka tirsan CWXO ayaa isla Kambayga ku haleelay meel u dhow Huuraale oo iyaduna ka tirsan Gobolka Dh/Buur. Waxaana dagaalkaas dambe ee isla Kolanyadii hore loo haleelay laga dilay in ka badan 20 askari iyadoo laga gubay hadana hal baabuur oo ah nooca la yidhaahdo "land cruiser" . Kaambaygaasi isaga oo dhaawac badan wata ayuu dib ugu noqday Dh/Buur oo ahayd meeshii uu ka soo anbabaxay markii uu ka cabsaday inuu horay u sii socdo.

10 May 2002 meesha la yidhaahdo War Cambaar oo ka tirsan Degmada Shaygoosh dagaal ku dhexmaray CWXO iyo Ciidanka Cabudiska Gumeysiga Itoobiya waxaa lagu gaadhsiiyey khasaare aad u badan oo dhimasho iyo dhaawacba leh.Kaas oon isna dib idiinka sheegi doono haddii uu Eebe idmo.

Wariyaha Raadiyo Xoriyo uga soo waranta Arimaha Bulshada Marayama Ruun Liibaan ayaa inoo soo sheegtay Fal xumo uu Ciidanka Gumeysiga Itoobiya kula kacay Shacbiga Ogaadeenya. Sidii caadada u ahayd marka askarta Gumeysiga Itoobiya lagu jebiyo dagaalada ay gardarada ugu jiraan ayey shacbiga aan wax galabsan ku gadoodaan. Waxaa 4/05/02 agaga u dhow goobaha laysku haleelay ay ku jidh dileen laba nin oo Odayaal ah lana kala yidhaahdo: Ismaaciil Macalim Maxamuud iyo Sheikh Muxxumed Shiil (Awdaad). Labadaa nin waxay ka tegeen iyaga oo dhaawac halis ah ku yaalo.

08 May 2002 Dadkii badnaa ee Magaalada Dhagaxbuur ku xidhnaa Waxaa laga daba geeyey dadkan.

1) Abdi Muumin Faarax
2) Maxamed Cabdi Arte
3) Cukur Cise jaamac
4) Sahal Axmed Ciise
5) Xasan Cabdullahi Ibrahim
6) Maxamuud Gadhle
7) Ibrahim Axmed Nuur
8) Faarax Cabdi Dool
9) Axmed Adan Cadde
10) Cabdirashiid Sh. Saalax
11) Adan Cadhays
12) Cismaan Jaanyar
13) Dhagoole Garas

Sida Wariyuhu soo sheegay waxaa dadkan laga soo qab qabtay Magaalada Dh/buur iyo tuulooyinka ku yaala Nawaaxigeeda.

Wariyaha Raadiyo Xoriyo uga soo warama Wadanka Jarmalka Gaaxnuug Dubad ayaa inoo soo sheegay Shir ka dhacay 11 May 2002 kaas ooy qabatay Jaaliyada Ogaadeenya ee Wadanka Jarmalku.

Shir Sanadeedkii Caadiga ahaa eey 2dii sanoba hal mar ah isugu iman jirtay Jaaliyadda Ogaadeenya ee Germany ayaa lagu qabtay Magaalada Ludwigsburg ee Gobalka Stuttgart ee Wadanka Jarmany, 11 May,2002.

Shirkan oo sida Caadiga ah ujeedada loo qabtaa ay tahay in lagu doorto gudi maamusha hawlaha Jaaliyada Ogaadeenya ee wadankan 2da sano ee soo socda ayaa sidii loogu tala galay ahaa mid aad loo soo agaasimay oo xubnihii hawlaha Jaaliyada waday ay si haboon u soo qaban qaabiyeen.

Waxaa Shirka Furay Gudoomiyhii hore ee Jaaliyadda Ogaadeenya ee Germany Mudane Abdirahman Sh.Abdulahii isagoo raaciyey warbixin dheer oo ku saabsanayd waxqabadkii xubnaha gudida ee 2dii sano ee tagay.Qorshayaasha u suuro galay in ay Jaaliyaddu ku guulaysato iyo qorshayaasha sugaya mustaqbalka in ay qabato Jaaliyadda Ogaadeenya ee Germany oo hormuud u ah halganka ay dibada ka wadaan Jaaliyaadka Ogaadeenya ee ka hawl gala wadamada ay degen yihiin.

Abdirahmaan wuxuu xusuusiyey xubnihii shirka isugu yimid wadada dheer ee loo baahan yahay in la qaado si ummadeena loo gaadhsiiyo xoriyad taam ah ooy kaga baxdo caga jugleynta iyo cadaadiska Itoobiya, isagoo u rajeeyey in xubnaha cusubna ay sidii iyaga oo kale halkaas ka sii wadi doonaan hawlaha loo doortay.

Waxaa dood dheer kadib shirkaas lagu hor doortay xubno cusub oo 2da sano ee soo socda daadihin doona hawlaha Jaaliyadda , ee wadanka Germany kuwaas oo uu hogaaminayo Mudane Abdi-Kadir Abdulahi Gamaadiid.Wuxuuna isagoo ku hadlaya magaca gudida cusub shirka ortiisii ka balan qaaday in uu hhamaystiri doono qorshayaashii u dejisnaa Jaaliyada Ogaadeenya ee Germany dar dar hor lehna ay xubnihiisu la imaan doonaan.

Waxaa iyaguna goob joog ka ahaa shirkaas xubno sare oo ka tirsan JWXO, kuwaas ooy ka mid ahaayeen Mudane Salahdiin Maow oo ka socday Hogaanka Dhaqaalaha oo khudbad qiimo leh oo ku saabsan sidii loo joogtayn lahaa Dhigaalka Qaaraan Bileedka Xubnaha iyo Muhiimadda uu u leeyahay Halkanka ka soo jeediyey.Waxaa kale oo uu Salahdin intaas raaciyey kaalinta ay Jaaliyaadku kaga jiraan halganka iyo waxtarka ay u leeyihiin geedi socodka hayaanka ay ummadeenu ku jirto isagoo u rajeeyey in Jaaaliyaadka Ogaadeenya ee dibada ooy Jarmani ka mid tahay ay had iyo goor adkeeyaan kaalinta ay ku jiraan.

Waxaa isaguna warbixin dheer oo ku saabsan xaalada guud iyo mida gaar ahaaneed ee uu halganku haatan ku sugan yahay iyo dhaq dhaqaaq yadii ugu danbeeyey ee cadawga shirka ka soo jeediyey Abdi-Sayid MoŠlin Yuusuf oo ka socday Hogaanka Warfaafinta ee JWXO Waxaa kale oo xubnihii shirka isugu yimid xusuusiyey dhibaatooyinka uu gumeysigu ku hayo shacbiga Ogaadeenya iyo khiyaamooyinka cusub ee uu hada wado kuwaas oo ah kuwa aan soconaynin ooy aad oola socoto Jwxo.

Gaaxnuug Dubad
Radio Xoriyo
Stuttgart,Germany.

Wariyaha Raadiyo Xoriyo uga soo warama Magaalada Adis-Ababa ayaa soo diray Dhambaal Xambaarsan Sargaal Itoobiyaan ah oo Maxkamad la saaray.

SARGAALKII DILAY KINFE GEBREMEHDIN OO MAXKAMAD LA SOO TAAGAY

Waxaa May 13, 2002 Maxkamad la soo taagay Major Tsehaye Woldesilassie oo ahaa sarkaalkii dilay Kinfe Gebremehdin. Wasiirkii hore ee Socdaalka iyo Nabadsugida Itoobiya. Major Tsehaye ayaan mudo sanad ah la arag ka dib marka uu dilay Kinfe Gebremehdin. Wararka waxay sheegayaan in Major Tsehaye mudadaas lagu hayay jir dil xun si looga helo magacyada xubnaha TPLFta ah ee ka dambeeyay dilka Kinfe Gebremedhin.

Ka dib markii laga uruursaday wuxuu xog hayey ayaa la go'aansaday in haatan maxkamad la taago iyada oon shaki ku jirin in dil lagu xukumi doono. Major Tsehaye ayaa dilay Kinfe Gebremedhin wakhtigii uu socday khilaafkii TPLFta iyada oo ay amarkaasi dilka ah siiyeen xubna sar sare oo ka mida Ururka TPLFta kuwaas oo ka soo hor jeeday Siyaasada mayalka adag ee uu ku socdo Kaligii Taliye Melez Zenaawi.

Qamaan Xirsi
Radio Xoriyo
Addis Ababa

Wariyaha Raadiyo Xoriyo uga soo warama Soomaaliya Ahmed-Yare Calasoow ayaa inoo soo sheegay Gudoomiyaha Baarlamaanka Soomaaliyeed oo si kulul uga hadlay Dhibaatada ay Itoobiya ku wado Soomaaliya.

C/LLA DEEROW ISAAQ "Dowladda Itoobiya marna kama talineyso dan Soomaaliyeed waxayna wadaa qorshe la xiriira in ay marna Soomaaliya dowladi ka jirin"

MAY 13, 2002

Guddoomiyaha Baarlamaanka Soomaaliyeed Mudane C/lla Deerow Isaaq oo 13 May,2002 ka soo laabtay dalka Itoobiya oo uu kaga soo qeyb galay shir Baarlamaanada dalalka IGAD qaarkood oo halkaa lagu qabtay ayaa shegay inuu soo arkay qorshayaal Dowladda Itoobiya ay wado oo ku lug leh sidii Soomaaliya ay ugu kala qeybin lahayd qeybo yaryar, marna aanayna dowlad uga dhalan lahayn Soomaaliya, qorshayaashaasi ayaa ku kala wajahan kuwa siyaasadeed iyo kuwa xoog lagu fulinayaba, sidoo kalena uu halkaa ku soo arkay dad badan oo Soomaaliyeed oo rayigoodu qaldan yahay kana tusaale qaadanaya aragtida Itoobiya ee looga soo horjeeda Dowladnimada Soomaaliyeed.

Mudane C/lla Deerow Isaaq waa uu sii hadlay oo waxaa uu yiri waxaan anagu ku mashquulsanahay khilaafyo yar yar oo dhexdeena ah waxna looga sheegayo Madaxweynaha, Ra'isul Wasaaraha, Guddoomiyaha Baarlamaanka, ku xigeenada iyo Wasiiradaba kuwaas oo ah kuwo lagu mashquulinayo habsami u fullinta howlaha horyaalla qeybahaas Caddowgeenuna waxaa uu ka shaqeynayaa sidii aanu baabi'ilaheyn.

Guddoomiyaha Baarlamaanka Soomaaliyeed Mudane C/lla Deerow Isaaq oo ka hadlayey shirka Nairobi ayaa sheegay sida uu xog-ogaalnimada ku soo helay in uu yahay shirkaasi mid guud ahaan lagu baabi'inayo loogana soo horjeeda qeybaha Siyaasadeed iyo maamul ee haatan noo dhisan sida Madaxweynaha, Guddoonka Baarlamaanka, Ra'isul Wasaaraha, Baarlamaanka iyo xukuumaddaba, sidaa darteedna loo baahan yahay in aan midowno kana shaqeyno aayo ka talinteena isla mar ahaantaasna la sii xoojiyo baaxadda iyo waxqabadka Baarlamaanka iyo xukuumadaba laguna soo daro xubnaha aan weli ku soo biirin ee mucaaradka ku ah dadaal kastaba haloo galee.

DIYAARAD KA MID AH DIYAARADAHA DAGAALKA ITOOBIYA OO MAGAALADA BOOSAASO SAWIRO KA QAADAY

Wararka naga soo gaaraya Magaalada Boosaaso waxay sheegayaan in Diyaarad kuwa dagaalka ay habeenka Sabtida ee May 11 ku soo dhowaatay garoonka diyaaradaha Boosaaso, iyada oo nalal ku shiday isla markaasna sawiro ka qaaday.

Wararka waxay sheegayaan in diyaaradaasi ay ahayd diyaarad Itoobiya leedahay oo ah nooca Basaasida ee sawirada qaada, iyadoo Boosaso Garoonkeeda ka qaadaysay Sawiro ay ujeedadoodu ahaayeen in lagu ogaado qiyaasto diyaaradaha uu qaadi karo garoonkaasi. Ma cada sababta ay ciidamada cirka itoobiya haatan uu daneynayaan garoonka diyaaradaha ee Boosaaso lakiin warar xog-ogaal ah ayaa sheegayo in la rabo in si toos ah hub loogu soo dajiyo Cabdullahi Yusuf magaalada boosaaso, iyaga oo hubkaasi ku imaanayo diyaarado itoobiyan ah.

Ahmed Yare Calasoow
Muqdisho,Soomaaliya.

Dhagaystayaal Warkii Caawa waa naga intaas.

Abdi Madaale
Radio Xoriyo,14 May,2002

radioxoriyo@ogaden.com


Dhegeyso warkaan oo Cod ah


WARARKA OGADEENYA:
May.14.2002 | May.10.2002 | May.7.2002 | May.3.2002 | April.30.2002 | April.26.2002 | April.23.2002 | April.19.2002 | April.17.2002 | April.12.2002 | April.9.2002 | April.5.2002 | April.2.2002 | March.29.2002 | March.26.2002 | March.22.2002 | March.19.2002 | March.12.2002 | Febuary.26.2002 | Febuary.19.2002 | Febuary.15.2002 | Febuary.12.2002 | Febuary.8.2002 | Febuary.5.2002 | Febuary.1.2002 | January.29.2002 | January.25.2002 | January.18.2002 | January.15.2002 | January.11.2002 | January.8.2002 | January.4.2002 | December.28.2001 | December.21.2001 | December.18.2001 | December.14.2001 | December.11.2001 | December.7.2001 | December.4.2001 | November.30.2001 | November.27.2001 | November.23.2001

DHEGEYSI: Dhegeyso Warka Radio Xoriyo


AFEEF: Afkaarta qoraalkaan waxaa leh gaarna ay u tahay Radio Xoriyo, kana tarjumimaayo aragtida SomaliTalk


Powered by www.SomaliTalk.com
All About Somalia and More...
Usheeg Asxaabtaada | Talo Bixin



Copyright © 2001 somalitalk.com. All rights reserved. Privacy


Saxaabada | Baro-HTML | Zakaat | Xajka | BilicdaSom | Kids-Safety