Janaayo 12, 2001.

ARABIC VERSION | ENGLISH.VERSION

Sida uu yiri Madaxwaynaha ku meel gaarka ah ee Soomaaliya Mudane Cabdiqaasin Salad Xassan, Soomaalidu iminka waxa ay dareemayaan dhibaato aan farayarayn, tan oo ka dambaysay handaada Maraykanka iyo dacaayada xooga badan ee uu doonayo in uu ku diyaariyo weerarro ka dhan ah Soomaalida, Goor sii hotaysay ayuu Maraykanku sheegay in ay Soomaaliya noqotay beryahan dambe meel aamin ah oo ay galaan Ururka Al-Qaacida kan uu hogaamiyo Usaama Bin Ladin.

Kulan lala yeeshay mar uu ka qayb galayay shirka sagaalaad ee Uurka horumarinta Bariga afrika IGAD ayuu hadaba Cabdiqaasin ku sheegay maanlintii Jimcihii, in cabsida laga qabo dagaal Maraykanku ku qaado Soomaaliya ay Carqaladayn karto dadaalka loogu jiro sidii nabad waarta loogu soo dabaali lahaa Soomaaliya, Waxaan aaminsanhayay buu yiri "Aniga iyo Soomaalida in ay dhibaato iyo niyad jab ku keenayaan Shacabka Soomaaliyeed weraradan dacaayadeed ee la hadal hayo imika."

Cabdiqaasim waxa uu yiri isaga oo sii wata hadalkiisa "Haa dadku waxa ay dareemayaan quus goorta ay arkaan doowlad wayn oo sida tan maraykanka oo kale ah oo handadaysa doowlad faqri ah sida Soomaaliya oo kale, tan oo ay aafeeyeen dagaalo sokeeye oo toban sanadood socday". Dadku in badan bay is waydiinayaan Maxay Maraykanka iyo Yurubtu kala jeedaan weeraradan oo kale, kuwan oo ay ogsoonyihiin in ay dhibayso nabada iyo deganaanshaha Soomaaliya, halkii ay ka saacidayn lahaayeen …taasi ma in aan Muslimiin Nahay baa?

Maraykankuna waxa uu ku waramay in ay doonayaan in ay Soomaaliya u diraan qolyo sir doon ah, kuwan oo soo xaqiijiya, wararka sheegaya in Ururka Al-qaacida iyo kuwa xidhiidh sokeeye la lehba ay gabbaad ka dhiganayaan meelo kamid ah Soomaaliya.

Cabdiqaasim waxa uu ku celceliyay in aysan jirin haba yaraatee, Soomaaliyana aysan joogin waxa loogu yeeray Al-Qaacida, iyo ururo kale oo Islaami ah toona, waxa uuna codsaday maraykanka in uu ku saacideeyo dejinta Soomaaliya, …..intaa waxa uu ku daray "Waxaan u baahanahay in aan midayno Ummaddeena, sidaa awgeed ayaanu u baahanahay gargaarka dunida, si Soomaaliya aysan u noqon meel ay gabaad ka dhigtaan argagixisada aduunka"

Mar uu ka hadlayay dagaal-Oogayaasha ayuu sheegay Cabdiqaasim in ay iyagu doonayan in ay ka faa’iidaystaan aragtida Maraykanka ee ku jeeda in la gudagalo Soomaaliya, tanoo buu yiri ay isleeyihiin ama ujeedadoodu tahay majaxaabinta Doowlada kumeel gaarka ah..Waxa ay danaynayaan buu yiri "in maraykanku soo galo Soomaaliya, kadibna ay u muujiyaan in Maraykanku baahi uqabo iyaga si markaa ay u noqdaan Isbahaysiga Woqooyi ee Afgaanistaan oo kale". Wuxuu yidhi "Hasayeeshee Soomaaliya Afgaanistaan ma aha, Doowlada Ku meel gaarka ahuna Daalibaan ma aha, Aniguna Mullah Cumar Ma ahi" Isaga oo tilmaamayay markaa Taliyaha mayalka adag ee Daalibaan….

Warka oo dhan halkan ka akhri Halkan

Waxaa soo tarjumey SheriffOsman
editor@somalitalk.com

FAAFIN: SOMALITALK.COM
DISTRIBUTED VIA SOMALITALK.COM

Warbixintii shirkii IGAD Ka akhri halkan

• Sidee Email magacaaga@somalitalk.com loo furankaraa
• Xagee HTML af-Soomali ah ka barankaraa
• MaOgtahay in qof meel-fog joogaa akhrisankaro waxa kujira kambuyuutarkaaga
• MaOgtaya in adiga oo aan ogeyn emailkaaga la xiriirsankaro