11/2/2002,maalin isniin

Madaxweyne moi oo sheegay in uu dedejinayo dib uheshiisiinta soomaaliya.

(iqra fm news)

Madaxweynaha Dalka Kenya Moi Ayaa Dalka Saaka Ku Soo Laabtay Isagoo Ka Yimid Dalka Fransiska,Wuxuuna Yiri Dawladdu Waxay Qaaday Tallabooyin Adag Oo Ay Kaga Hortagayso In Dhibatooyinka Dalalka Derisku usoo Gudbaan Dalka Kenya.

Madaxweyne Moi Waxa Uu Sheegay In Dadka Degan Degmooyinka Xadku ay Waajib ku Tahay In Ay La Shaqeeyaan Ciidamada Amaanka Si Looga Hortago Hubka Sharcidarrada Ku Soo Gelaya Dalka.

Madaxweyne Moi waxa Uu sheegay In dawladiisu kaashanayso Dalalka Somalia Iyo Ethiopia Si Loo Ilaaliyo Xuduuda Dalka.

Madaxweyne Moi Waxaa Uu Sheegay In Uu Dedejin Doono Hanaanka Nabadda Iyo Dib U Heshiisiinta dalka Somalia, isagoo intaasi kudaray in uu dedejinayo dhamaan dib uheshiisiinta dalka soomaaliya.

Waxaana horay loogu go,aamiyay shirkii 9aad ee urur goboleedka igad ee lagu qabtay magaalada khartuum ee dalka sudan in shir wayne dib uheshiisiin ah lagu qabto dalka Kenya bisha march ee soo socota.

xoghayaha guud ee golaha SRRC mawliid macaane shir jaraaid oo uu ku qabtay shalay magaalada muqdisho waxa uu shaki galiyay fulitaanka qodobadii heshiiskii hore ee magaalada nakuru horay ugu dhexmaray raiisul wasaaraha dawlada kumeel gaarka xasan abshir farax iyo qaar kamid ah golaha SRRC markii uu kuhanjabay mawliid macaane in aynan kubiiri doonin golaha dawlada kumeel gaarka hadii aan lafulinin heshiiskii oo buuxa , meelna aan laisla dhigin qaybsiga baarlamaanka.

Mawliid macaane waxaa uu kadigay kudhawaaqida dhismaha dawlada cusub iyadoo aan laisla meel dhigin fulinta qodobada heshiiskii nakuru.

Madaxweyne Moi Waxaa Uu Ballan Ku Qaaday In Uu Tallabo Culus Ka Qaadi Doono Madaxda Waaxyaha Ku Guul Daraysta Isbedelada, Wuxuuna Si Gaar Ah U Tilmaamay Maamulada Gobollada Iyo Poliska Oo Uu Yiri Looguma Dul Qaadan Doono Dabacsanaanta.

iqrafm@bidii.com

Wararka Mombasa ee manta 11/2/2002

Tii ugu Horreysay Saddex Dayuuradaha Basaasnimada Ee Ciidamada Dalka Germany Ayaa Waxa La Filayaa In Ay yimaadaan Garoonka Caalamiga Ah Ee Moi Ee Magalada Mombasa Bishan February 25da.

Wargeyska East African Standard Oo Xiganayey Ilo Xog Ogaal Ah Oo Garoonka Ka Tirsan Waxa Uu Qoray Manta In Loo Sheegay Koox Khubaraada Saadka(Logistic) Oo Ciidamada Germany Ahi ay Kaloo kusoo Biireen Ay Joogaan Mombasa, Kuwaasoo Hubinaya Meesha Ugu Haboon Degidooda.

Afhayeenka Wasaaradda Difaaca Germany Oo Uu Soo Xigtay Wargeyska Die Welt Ayaa Hore U Sheegay In Germany Doonayso In Ay Mombasa Saldhig Uga Dhigtaan Dayuuradaheeda wax basaasa Si Ay Ula Socdaan Maraakiibta Maraysa Badweynta India

iqrafm@bidii.com

.Dhammaad.

RADIO IQRA

FAAFIN: SOMALITALK.COM | 2002