MAXAY GALABSATAY
MIMMI?
Qiso yaableh!
Eebow ilaali
Mimmi.
Mimmi tumay ahayd? Magacu magac soomaaliyeed maaha iyo suaalo kale ayuu qofka
qisadan akhristaa durbadiiba is weydiin karaa . Wixii Soomaaliya ka dhacay uma
baahna sharaxaad dhowr iyo toban sano ka dib, ruux kasta oo soomaali ah iyo in
badan oo ajnabi ah ayaa maanta khuburo ku ah "dalkii la odhan jiray
SOOMAALIYA"iyo wixii ka dhacay.
Ruuxba wax baa amakaag iyo wax aanu weligii iloobin ku reebee. Waxa aanan
weligey ilaaween dhacdadan xanuunka badan ee aan halkan ku qoray. Qisadani waa
qiso yaab leh, mucjiso ah, ku tuseysa awooda Eebe, iyo waxashnimada aan
caqligalka aheyn ee bini_aadanku ku kici karo. Aan soo koobee akhristow
dhacdadani waxay ku saab santahay gabadh yar oo soomaali ah. Markaan leeyahay
gabdhayar waxaa lagayaabaa in aad u fahantid innan jirta waŽxoogeey, ilaa dhowr
sano iwm. Arrintu sidaa ka duwane ee bal ila dhuux.
Mimmi daŽdeedu waxay ahayd marka dembigan aan lahay qiilka laga galay wax ka
yar BIL. Sanadku waa 1992, waxaa lagu jiraa xiligii aragtida xumaa ee soo maray
taariikhda Soomaaliya. Idaacadaha dunidu waxay carabka ku hayeen ceeryaamada
madow ee ku habsatay dalkii horaantii 70-yadii, lagu tilmaami jiray in uu
tusaale wacan u noqonkaro dowlado farabadan oo Afrika ah. In kastoo caruur badan
oo aan tiro lahayn ay ku leŽdeen dagaaladii sokeeye oo aynu warkooda ka
dheregsanahay, haddana waxa Mimmi ka duway caruurta kale waxaad ka dhadhansan
kartaa gabadha magaceeda MIMMI.
Markii uu bilaabmay birmadkii dunidu u tafa-xeydatay Soomaaliya ee uu
hogaaminayay Mareykanku kaas oo loogu magacdaray Restore hope, waxaa gurmadkaa
ka qeybgalay dalal aad u badan, waxaana ka mid ahaa ciidamo ka yimi Nayjeeriya.
Waxay haddaba maalin iyaga oo oo kujira howlgal ka socday magaalada Muqdisho la
kulmeen dhacdadan:
Waxay iyaga oo ag maraya haamaha qashinka lagu rido maqleen dhawaaq
aan caadi ahayn " xaaaaaa, xaaaaa", kadib waxay is weydiiyeen
war dhawaaqan aan caadiga aheyn muxuu ahaa. Iyaga oo yaaban ayeey
qooraan- sadeen haantii qashinka. waxaa ka buuxa qashin aad u qadhmuun
oo nooc walba isugu jira, way siiyara eegeen iyaga oo aad u xiiseeynaya
in ay arkaaan meesha codku ka imanayo. Daqiiqado ka dib waxay ishoodu
qabatay wax ay la qadhqadheen. Gabar yar oo GAWRACAN hase ahaatee weli
neefsaneysa Eebow adaa weyn. Iyaga oo qaylinaya ayey la soo boodeen
iyaga oo isku dhiira gelinaya weli way nooshahay,weli way nooshahay.
Waxay sidegdeg leh u gaarsiiyeen dhakhtar ay dawlada Iswiidhan
(SWEDEN) ka furtay Muqdisho, dhakhtarkaas oo ay dawlada iswiidahn kaga
qeybgeleysey gurmadkii restor hope. Isla markiiba waxaa isugu yimi
dhakhaatiirtii swidhiishka ahaa waxaana bilaawday badbaadintii Mimmi.
Waxayna maratay qaliin qaatay saacado, waxaana loola cararay wadanka
Kenya oo ay ku gasahay qaliinkii labaad.Ugu danbeyntii waxaa loo soo
duuliyey dalka iswiidhan halkaa oo ay ku heshey daryeel aan loo kala
hadhin. SuŽaasha aan is weydiiyay ilaa haddana aan is weydiiyo waxay
tahay Maxay galabsatay gabadhan yar ee sebiga ahi?
Magaca Mimmi hadaba xaguu ka yimi? Sida aad fahmi kartid cid taqaana gabdha
magaceeda ma jirin, mana jiro hadda. Gabadha yar waxaa xilkeeda qaaday
dhakhtaradii iswiidhshka ahaa ee Muqdisho kaa soo qaaday, iyagana ayaa magaca u
bixiyey. Magaca Mimmi-na wuxuu ka yimi maalintii la helay ayaye eegeen magacyada
ku haboon in ilmaha loo bixiyo waxayna u dooreen magaca Mimmi. Mimmi waxay
noqotey ilmihii ugu caansanaa ee wakhtigaa. Dad aad u tiro badan ayaa arjiyo u
soo qortay si ay u korsadaan gabadha yar. Meel ay ku danbeysey ma sheegi karo.
Laakiin kuma ilaawi doono. Waxa aan hayaa sawir cadaan iyo madow ah oo 1992 ka
goostay joornaalka layiraahdo Expressen oo ka soo baxa dalka iswiidhan, kaa soo
dhowr maqaal ka qoray Mimmi.
Eebow ilaali Mimmi.
Fadlan haddi aad heysid wax akhbaar ah ku saabsan Mimmi ila
socodsii.
GUJI HALKAN SI AAD U BAARTID MIMMI
[search mimmi]
waxaa qoray: Liiban Shariif
Liiban@spray.se
Stockholm Sweden
2001-12-30
AFEEF: Aragtida qoraalkan waxaa leh qoraaga ku
saxiixan.
|